pSI Exam Pattern: How should a police sub-inspector prepare for a written examination of newspaper-1?

 PSI Exam Pattern: ಪೊಲೀಸ್ ಸಬ್‌ಇನ್ಸ್‌ಪೆಕ್ಟರ್ ಪತ್ರಿಕೆ-1 ರ ಲಿಖಿತ ಪರೀಕ್ಷೆಗೆ ಸಿದ್ಧತೆ ಹೇಗಿರಬೇಕು?

             👇👇👇👇👇

ರಾಜ್ಯ ಪೊಲೀಸ್‌ ಇಲಾಖೆಯು ಪೊಲೀಸ್‌ ಸಬ್‌ಇನ್ಸ್‌ಪೆಕ್ಟರ್‌ ಹುದ್ದೆಗಳ ನೇಮಕಕ್ಕೆ ನಡೆಸುವ ಲಿಖಿತ ಪರೀಕ್ಷೆಯಲ್ಲಿ ಪ್ರಥಮ ಪತ್ರಿಕೆ (ಪತ್ರಿಕೆ-1) ಕೌಶಲ ಆಧರಿತವಾಗಿರುತ್ತದೆ. ಬರವಣಿಗೆ ಕೌಶಲ, ಭಾಷಾ ಕೌಶಲ, ಸಂಕ್ಷಿಪ್ತ ಕೌಶಲ ಭಾಷಾಂತರ ಕೌಶಲ, ವಿವರಣಾತ್ಮಕ ಕೌಶಲಗಳನ್ನು ಈ ಪರೀಕ್ಷೆಯಲ್ಲಿ ಪರೀಕ್ಷಿಸಲಾಗುತ್ತದೆ. ಇದರಲ್ಲಿಉತ್ತಮ ಅಂಕಗಳನ್ನು ಪಡೆಯುವ ದಿಕ್ಕಿನ ಕಡೆಗೆ ಹೆಚ್ಚಿನ ಗಮನ ನೀಡಬೇಕು. ಈ ಪತ್ರಿಕೆಯಲ್ಲಿಎಷ್ಟು ಅಂಕ ಪಡೆಯಬೇಕು? ಯಾವ ರೀತಿಯ ಸಿದ್ಧತೆ ನಡೆಸಬೇಕೆಂಬುದು ಬಹುತೇಕ ಎಲ್ಲ ಅಭ್ಯರ್ಥಿಗಳ ಮುಂದಿರುವ ಪ್ರಶ್ನೆಯಾಗಿದೆ.

2018 ರಲ್ಲಿ ನಡೆದ ಪಿಎಸ್‌ಐ ಸಿವಿಲ್‌ ನೇಮಕಾತಿ ಪರೀಕ್ಷೆಯ ಪ್ರಥಮ ಪತ್ರಿಕೆಯಲ್ಲಿಅಭ್ಯರ್ಥಿ ಪಡೆದ ಗರಿಷ್ಠ ಅಂಕ ಎಂದರೆ 40.5. ಆಯ್ಕೆಯಾದವರ ಎಲ್ಲಾಅಂಕಗಳನ್ನು ಪರೀಶಿಲನೆ ಮಾಡಿದಾಗ ಸರಾಸರಿ 34.5 ಅಂಕಗಳನ್ನು ಪಡೆದುಕೊಂಡಿದ್ದಾರೆ. ಇದನ್ನು ಗಮನಿಸಿದಾಗ ನೀವು ಪ್ರಥಮ ಪತ್ರಿಕೆಯಲ್ಲಿ35 ಕ್ಕೂ ಹೆಚ್ಚು ಅಂಕಗಳನ್ನು ಪಡೆಯುವ ಟಾರ್ಗೆಟ್‌ ಹಾಕಿಕೊಳ್ಳಬೇಕಾಗುತ್ತದೆ. ಇಷ್ಟು ಅಂಕಗಳನ್ನು ಪಡೆಯಬೇಕಾದರೆ, ಪ್ರಥಮ ಪತ್ರಿಕೆಗೆ ಸಂಬಂಧ ಪಟ್ಟಂತೆ ವಿಶೇಷ ಪ್ರಾಕ್ಟಿಸ್‌ ಮಾಡುವ ಪದ್ದತಿಯನ್ನು ರೂಢಿಸಿಕೊಳ್ಳಬೇಕು. .

 *ಪೇಪರ್‌-1*

ಪರೀಕ್ಷೆ ಅವಧಿ 1 ಗಂಟೆ 30 ನಿಮಿಷ. ಈ ಪತ್ರಿಕೆ 3 ಭಾಗಗಳಲ್ಲಿರುತ್ತದೆ.

1) ಪ್ರಬಂಧ-ಬರಹಕ್ಕೆ ಇದಕ್ಕೆ 20 ಅಂಕಗಳು

2) ಭಾಷಾಂತರ 20 ಅಂಕಗಳು

3) ಸಂಕ್ಷಿಪ್ತಗೊಳಿಸುವಿಕೆ 10 ಅಂಕಗಳನ್ನು ನಿಗದಿ ಮಾಡಲಾಗಿರುತ್ತದೆ.

ಎರಡನೇ ಪೇಪರ್‌ಗಿಂತ ಈ ಪೇಪರ ಮುಖ್ಯವಾಗಿದೆ. ಇಲ್ಲಿಯ ವಿಷಯ ವಿಭಿನ್ನವಾಗಿದೆ. ಪ್ರಬಂಧ, ಭಾಷಾಂತರ ಹಾಗೂ ಸಂಕ್ಷಿಪ್ತಗೊಳಿಸುವಿಕೆ ಈ ಮೂರನ್ನು ತಯಾರಿ ಮಾಡಿಕೊಂಡವರಿಗೆ ಮಾತ್ರ ಹೆಚ್ಚು ಅಂಕಗಳು ಬರುತ್ತವೆ. ಅದರ ಹೆಚ್ಚಿನ ಅಭ್ಯರ್ಥಿಗಳು ಈ ಮೂರರಲ್ಲಿಒಂದಿಲ್ಲೊಂದು ವಿಭಾಗದಲ್ಲಿದುರ್ಬಲರಾಗಿರುತ್ತಾರೆ. ಇದು ಅವರನ್ನು ಆಯ್ಕೆಯಿಂದ ವಂಚಿತರನ್ನಾಗಿ ಮಾಡುತ್ತದೆ.

 *1) ಪ್ರಬಂಧ ಬರಹ:*

 20 ಅಂಕಗಳ- ಒಂದು ಪ್ರಬಂಧವನ್ನು ಬರೆಯಬೇಕು. ಕನ್ನಡ ಅಥವಾ ಇಂಗ್ಲೀಷ್‌ನಲ್ಲಿಬರೆಯಲು ಅವಕಾಶವಿದೆ. ರಾಜ್ಯ, ರಾಷ್ಟ್ರ ಅಂತಾರಾಷ್ಟ್ರೀಯ, ಪ್ರಚಲಿತ ವಿಷಯಗಳು ಹಾಗೂ ಸಾಮಾಜಿಕ, ಆರ್ಥಿಕ ಆಡಳಿತ, ಸಾಧಕರ ಕುರಿತು ಪ್ರಬಂಧದ ವಿಷಯ ಇರುತ್ತವೆ. 

ಇದಕ್ಕಾಗಿ ಈ ರೀತಿ ತಯಾರಿ ಮಾಡಿಕೊಳ್ಳಬೇಕು ನೋಡೋಣ;

- ಶುದ್ಧ ಬರವಣಿಗೆ ರೂಢಿಸಿಕೊಳ್ಳಿ. ನೀವು ಬರೆದಿದ್ದು ಮೌಲ್ಯಮಾಪಕರಿಗೆ ತಿಳಿದಂತೆ ಇರಬೇಕು.

- ಪ್ರಬಂಧವನ್ನು ಆಯ್ಕೆ ಮಾಡಿಕೊಂಡು ಓದಬಾರದು.

- ವಿವಿಧ ವಿಷಯಗಳನ್ನು ತಿಳಿದುಕೊಳ್ಳಬೇಕು.

- ಓದಿದ ವಿಷಯಗಳನ್ನು ಚರ್ಚೆ ಮಾಡಬೇಕು.

- ದಿನಪತ್ರಿಕೆಯಲ್ಲಿಬರುವ ಪ್ರಚಲಿತ ಲೇಖನ, ಸಂಪಾದಕೀಯ ಹಾಗೂ ಓದುಗರ ಅಂಕಣ ನೋಡಬೇಕು.

- ಹೆಚ್ಚು ಪ್ರಾಕ್ಟೀಸ್‌ ಮಾಡಬೇಕು. ನೀವು ಬರೆದಿದ್ದನ್ನು ಇನ್ನೊಬ್ಬರಿಂದ ಮೌಲ್ಯಮಾಪನ ಮಾಡಿಸಬೇಕು.

 *1) ಭಾಷಾಂತರ:*

ಪೊಲೀಸ್‌ ಸಬ್‌ಇನ್ಸ್‌ಪೆಕ್ಟರ್‌ ಅಧಿಕಾರಿಗೆ ಕನ್ನಡದ ಅರ್ಜಿಯನ್ನು ಇಂಗ್ಲಿಷ್‌ಗೆ ಭಾಷಾಂತರ ಮಾಡಿ ಮೇಲಾಧಿಕಾರಿಗಳಿಗೆ ಕಳಿಸುವ ಸಾಮರ್ಥ್ಯ ಇರಬೇಕು. ಅದೇ ರೀತಿ ಮೇಲಾಧಿಕಾರಿಯಿಂದ ಬಂದ ಇಂಗ್ಲಿಷ್‌ ಅಂಕಗಳನ್ನು ಕನ್ನಡಕ್ಕೆ ಭಾಷಂತರ ಮಾಡುವ ಕೌಶಲ ಇರಬೇಕು. ಅದಕ್ಕಾಗಿ ಈ ಭಾಷಾಂತರ ಪರೀಕ್ಷೆ ಇಡಲಾಗಿದೆ. ಇಲ್ಲಿಕನ್ನಡದಿಂದ ಇಂಗ್ಲಿಷ್‌ ಭಾಷಾಂತರಕ್ಕೆ 10 ಅಂಕಗಳು ಹಾಗೂ ಇಂಗ್ಲಿಷ್‌ನಿಂದ ಕನ್ನಡಕ್ಕೆ 10 ಅಂಕಗಳು ನಿಗದಿ ಮಾಡಲಾಗಿದೆ.

ಗ್ರಾಮೀಣ ಭಾಗದವರಿಗೆ ಇಂಗ್ಲಿಷ್‌ ಜ್ಞಾನ ಕಡಿಮೆ ಇರುವುದರಿಂದ ಅವರಿಗೆ ಕಠಿಣವಾಗುವುದು. ಅದಕ್ಕಾಗಿ ಏಷ್ಟೋ ಅಭ್ಯರ್ಥಿಗಳು ಪಿಎಸ್‌ಐ ಬೇಡ ಎಂದು ಹಿಂದಕ್ಕೆ ಹೆಜ್ಜೆ ಹಾಕಿರುವರು ಇದ್ದಾರೆ. ಆದರೆ ಪ್ರಯತ್ನ ಮಾಡಿದರೆ ಇಂಗ್ಲಿಷ್‌ ವಿಷಯವನ್ನು ಸರಳ ಮಾಡಿಕೊಳ್ಳಬಹುದು ಅದಕ್ಕಾಗಿ ಏನನ್ನು ಮಾಡಬೇಕು ಎಂದರೆ

- ಚೆನ್ನಾಗಿ ಇಂಗ್ಲಿಷ್‌ ಗ್ರಾಮರ್‌ ಕಲಿತುಕೊಳ್ಳಬೇಕು.

- ಇಂಗ್ಲಿಷ್‌ ಮಾಧ್ಯಮದಲ್ಲಿಓದಿದವರು ಕನ್ನಡ ಗ್ರಾಮರ್‌ ಕಲಿತುಕೊಳ್ಳಬೇಕು.

- ಇಂಗ್ಲಿಷ್‌ ಹಾಗೂ ಕನ್ನಡ ಆಡಳಿತ ಪರಭಾಷೆ ಪರಿಚಯ ಇರಬೇಕು.

- ಪ್ರತಿದಿನ ಭಾಷಾಂತರ ಮಾಡುವದನ್ನು ಪ್ರಾಕ್ಟೀಸ್‌ ಮಾಡಬೇಕು.

- ಕನ್ನಡ ಮತ್ತು ಇಂಗ್ಲಿಷ್‌ ದಿನಪತ್ರಿಕೆ ಓದಬೇಕು. ಅದರಲ್ಲಿಸುದ್ದಿಗಳನ್ನು ಯಾವ ರೀತಿ ಭಾಷಾಂತರ ಮಾಡಿದ್ದಾರೆ ಎಂದು ಅವಲೋಕನ ಮಾಡಬೇಕು.

 *3) ಸಂಕ್ಷಿಪ್ತಗೊಳಿಸುವಿಕೆ:*

ಪೊಲೀಸ್‌ ಠಾಣೆಗೆ ಬಂದ ದೂರನ್ನು ಸಂಕ್ಷಿಪ್ತಗೊಳಿಸುವ ಕಲೆ ಅಧಿಕಾರಿಗೆ ಗೊತ್ತಿರಬೇಕು. ಅದಕ್ಕಾಗಿ ಸಂಕ್ಷಿಪ್ತಗೊಳಿಸುವಿಕೆ ಪರೀಕ್ಷೆ ಇಡಲಾಗಿದೆ. ಇಲ್ಲಿ 700-800 ಶಬ್ದಗಳ ಒಂದು ಗದ್ಯ ನೀಡಲಾಗುತ್ತದೆ. ಇದನ್ನು 100 ಶಬ್ದಗಳಿಗೆ ಕಡಿಮೆ ಮಾಡಿ ನಿರೂಪಿಸಬೇಕು. ಇಲ್ಲಿಅಭ್ಯರ್ಥಿಗಳು ಶಬ್ದಗಳನ್ನು ಕಡಿಮೆ ಮಾಡುವುದೇ ಸಂಕ್ಷಿಪ್ತಗೊಳಿಸುವಿಕೆ ಎಂದು ಭಾವಿಸುತ್ತದೆ. ಇದು ತಪ್ಪು ಗದ್ಯದಲ್ಲಿತಾತ್ಪರ್ಯವನ್ನು ಕೆಳಕಂಡ ಸಂಕ್ಷಿಪ್ತಗೊಳಿಸಬೇಕು. ಇದು ಒಂದು ವಿಶಿಷ್ಟ ಕಲೆ ಇದರಲ್ಲಿಜ್ಞಾನ ಪಡೆದುಕೊಳ್ಳಬೇಕಾದರೆ ಕನ್ನಡ ವ್ಯಾಕರಣ ಪರಿಚಯ ಇರಬೇಕು.